अहिलेको समयमा प्राय हरेक मानिसको हातमा स्मार्ट फोन छ । मोबाइल हाम्रो जीवनशैलीमा महत्वपूर्ण बनिसकेको छ । तर, हजारौँ मूल्य तिरेर किनिएका मोबाइलका विषयमा केही कुरा ख्याल राख्न सकिएन भने यि चाँडै बिग्रन सक्छन् ।
मोबाइल सुरक्षित राख्ने केही टिप्स
– मोबाइलको स्क्रिन सधैँ नरम र सफा कपडाले सफा गर्नु पर्दछ ।
– मोबाइलमा चाहिदाँ मात्र वाइफाइ वा डाटा खोल्नु पर्दछ ।
– जतिबेला पनि वाइफाई वा डाटा खोलेर राख्दा मोबाइलमा भाइरस छिर्ने जोखिम हुन्छ ।
– मोबाइलको ब्याट्री सधैँ फुल चार्ज गरेर मात्रै चलाउनुपर्छ ।
– युएसबी चार्जिङ पोर्ट सधैँ सफा गर्नुपर्छ । यहिबाट मोबाइलमा फोहोर छिर्न सक्छ ।
– मोबाइलमा भएका टेम्पोररी (क्यास) क्लियर गर्नुपर्छ । नत्र, मेमोरी फुल हुँदै जान्छ ।
– मेमोरी फुल भएमा मोबाइल ह्याङ हुने र बिग्रने समस्या बढ्दै जान्छ ।
– स्क्रिनको सुरक्षाकालागि बाहिरी ग्लास वा कभर लगाएमा स्क्रिन फुट्नबाट बच्छ ।
– मोबाइलमा फुलेको ब्याट्री कहिल्यै प्रयोग गर्नु हुँदैन । यसले जोखिम निन्त्याउन सक्छ ।
– मोबाइललाई तरल र तातोबाट टाढै राख्नु पर्दछ ।
