बिवाहपछि एउटा युवती र युवा आपसमा पती-पत्नी हुन्छन् । उनीहरुले आ-आफ्ना रहर, इच्छा, आकंक्षा, वाध्यता, समस्या सबैलाई साझेदार गर्नुपर्छ । दुबैले आपसी जिम्मेवारी र दायित्व सराबरी लिनुपर्छ ।
भनिन्छ, बिवाह आफैमा सम्झौता पनि हो । दुबैले आ-आफ्नो निजी स्वार्थ त्याग गर्न सक्नुपर्छ । र, त्यसबाट सामूहिक खुसी खोज्नुपर्छ । यस्तो खुसी, जसले पति-पत्नी दुबैलाई खुसी तुल्याउँछ ।
बिवाहपछि दम्पतीबीच सामान्य कुरामा मन मिल्दैन । कतिपय चाहाना र इच्छाहरु बाझिन्छन् । यी स्वभाविक र सामान्य हुन् । सामान्य मान्नुपर्छ पनि । यस्तै ठाकठुक, बैचारिक मतभेद आदिबाट माझिदै दाम्पत्य जीवन अगाडि बढ्छ ।
तर, बिवाह लगत्तै कतिपय कुरामा भने समझदार हुनैपर्छ । पति वा पत्नीले आफ्नो दम्भ होस् वा आकंक्षा त्याग्नुपर्छ । त्यस्तै कतिपय आनीबानी पनि त्याग्नुपर्छ, जसले दाम्पत्य जीवनमा खटपट ल्याउँछ । के हुन् त ति आनीबानी ?
१. विवाहको खर्च
परम्परागत तवरबाट हुने कुनै पनि बिहेमा धेरथोर खर्च भइहाल्छ । तर, विवाहमा भएको खर्चलाई लिएर दैनिक श्रीमान-श्रीमतीबीच छलफल र बहस हुनु राम्रो होइन । यसले सम्वन्धलाई राम्रो गर्दैन । बरु, यसबेला बढेको आर्थिक व्ययभारलाई परिपूर्ति गर्नका लागि दुबैको सहयोगी सहकार्य आवश्यक हुन्छ । बिवाहको बेला धेरै खर्च भएको हुन्छ, त्यसैले बिवाहपछि अनावश्यक सपिङ गर्ने, घुमफिर गर्ने जस्ता खर्च बढाउने काममा नियन्त्रण गर्नुपर्छ ।
२.नातेदारमाथि मजाकः
न श्रीमानले न श्रीमतीले एक-अर्कापट्टकिा नातेदारमाथि मजाक र व्यंग्य गर्नु शोभनीय हुन्छ । ठट्टाको रुपमा पनि यस्तो कुराहरु पाच्य हुँदैनन् । कतिले एकअर्काको आफन्त, इष्टमित्रको कुरा काट्छन् । यस्तो प्रवृत्तिले दुबैको सम्बन्धलाई धरापमा पार्छ ।
३. पूर्वप्रेमीसँग तुलना
यस्तो त कदापी गर्नु हुँदैन । आफ्नो श्रीमान वा श्रीमतीलाई पूर्व प्रेमी-प्रेमिकासँग तुलना गर्न थालियो भने वैवाहिक जीवनमा गम्भीर समस्या उत्पन्न हुन सक्छ ।
४. साथीहरुको आलोचना
श्रीमान र श्रीमती दुवैले एक-अर्काका साथीहरुको बारेमा अनावश्यक नकारात्मक टिप्पणी गर्नु हुँदैन ।
५. काम तोक्ने
कहिलेकाहीँ श्रीमान वा श्रीमतीले कुनै पनि कामलाई तेरो वा मेरो भन्दै पन्छाउने गरेको पाइन्छ । तर वैवाहिक जीवनमा प्रवेश गरिसकेपछि कुनै पनि काममा एक-अर्काको सहयोगी बन्न सक्नुपर्छ । अन्यथा असन्तुष्टीले डेरा जमाउन सक्छ ।
६. अनावश्यक अपेक्षा
कतिपयले पति वा पत्नीबाट बढी नै अपेक्षा गरेका हुन्छन् । हरेक कुरा आफुले सोचेजस्तै ठिकठाक हुँदैन । त्यस्तो अवस्थामा कसैमाथि गुनासो गर्नु सहि हुँदैन । यस्ता कुराहरु विस्तारै आफै परिस्कृत हुँदै र माझिदै जाने कुरा हो ।
